Хрватската музичка ѕвезда Северина Вучковиќ сподели моменти од прославата на својот 53-ти роденден, кој годинава реши да го одбележи во порелаксирана, семејна атмосфера – на село, опкружена со најблиските.

„Девојка од село го прослави роденденот…“, напиша пејачката со доза хумор во описот на видеото од прославата, каде покрај неа беше и нејзиниот син Александар.

Насмеана и облечена во пролетна, романтична комбинација, Северина со топлина ги пречекуваше гостите. Меѓу присутните беа нејзината внука Миа, блиските пријателки Соња Дворник, Андреа Чермак и Даниела Гајски, како и двајцата менаџери – сегашниот Томица Петровиќ и поранешниот Едвин Софтиќ.

На славењето присуствуваа и нејзината адвокатка Јасминка Билош, како и многу долгогодишни соработници и пријатели кои се дел од нејзиниот професионален и личен живот.