Седум лица беа убиени во уличен напад во Гвајакил, град на југозападот од Еквадор, местото на насилни судири меѓу ривалските банди за контрола на шверцот со дрога, во кои имаше вкупно 14 жртви во текот на викендот, објави во понеделникот еквадорската полиција.

Вооружени лица, возејќи мотоцикли, убија 7 лица, меѓу кои и малолетник, кои во неделата вечерта беа собрани пред продавница. Видеата поставени на социјалните мрежи и емитувани од медиумите прикажуваат тела на улица.

Според Сантијаго Тустон, шеф на полицијата во областа Пасквалес, каде што биле извршени убиствата, жртвите припаѓале на „разни криминални организации“ и тоа може да доведе до „одмазда“.

? #SUCESOS / Siete muertos dejó una nueva masacre en Pascuales, Guayaquil. Hombres armados dispararon contra un grupo afuera de una tienda en la cooperativa Assad Bucaram. Los cuerpos quedaron en la calle y sobre una tricimoto. Ocurrió pasadas las 23:00. Testigos dicen que los… pic.twitter.com/uU8hNQY4ao

— Radio Forever (@925forever) February 17, 2025

Во текот на викендот, 14 убиства беа извршени во Гвајакил, град со речиси три милиони жители, чие пристаниште е стратешки важно за извоз на кокаин на американскиот и европскиот пазар, рече полицискиот службеник. Од почетокот на годината само во секторот Паскалес се убиени 50 лица.

Во петокот, полковник на воздухопловните сили вклучен во операции против бандите за шверц на дрога беше убиен во близина на затворот Гвајакил. Според владата на претседателот Даниел Нобоа, неговото убиство ја покажува „воената состојба“ во која се наоѓа Еквадор.

? Noticias Oromar | La noche del domingo 16 de febrero se registró un nuevo ataque armado en la Cooperativa Assad Bucaram, en la parroquia Pascuales de Guayaquil. El atentado dejó 7 fallecidos, entre ellos, un menor de edad.
Más noticias en https://t.co/PUX7ngkYTx pic.twitter.com/DgUZU4B3e5

— Oromartv (@oromartv) February 18, 2025

Гвајакил е главен град на провинцијата Гвајас, еден од седумте (од вкупно 24) каде што минатиот месец повторно беше воведена вонредна состојба за да се запре насилството.

Таканаречената војна против дрогата овозможи стапката на убиства да се намали на 38 на 100.000 жители по трагичниот рекорд од 47/100.000 во 2023 година, според владата. Таа стапка беше 6 на 100.000 во 2018 година.

Младиот претседател Нобоа, кандидат за реизбор во вториот круг од претседателските избори што ќе се одржат во средината на април, минатата година прогласи дека во земјата владее состојба на „внатрешен вооружен конфликт“, опишувајќи дваесетина банди насилници како „терористички“ организации кои „постојано војуваат“ меѓу себе и со армијата во државата.

Еквадор се наоѓа помеѓу Колумбија и Перу, двете земји со најголемо производство на кокаин во светот. Во 2024 година, еквадорските власти заплениле вкупно 294 тони дрога, главно кокаин, во споредба со 221 тон во 2023 година.