Eкипата на Ливерпул заслужено дојде до нова победа во 29-тиот натпревар во сезоната од Премиер лигата. Пред своите навивачи денеска „црвените“ го победија Брајтон со 2:1.

Натпреварот не започна како што посакуваа избраниците на Јирген Клоп бидејќи Брајтон по само две минути стигна до водство со голот на Велбек.

Сепак, тоа не придонесе за некаква паника во редовите на Ливерпул, изедначувањето дојде во 27. минута кога мрежата на Брајтон ја погоди Дијаз. Победата за Ливерпул ја обезбеди Мохамед Салах со голот во 65. минута.

Ливерпул со овој триумф го презема врвот во Премиер лигата и ќе го чека исходот од дербито на колото помеѓу Арсенал и Манчестер Сити. На табелата „црвените“ имаат 67 бода, Арсенал 64, а Манчестер Сити 63.