Видео од погреб на украински војник стана вирално и го обиколи светот на тажниот настан за семејството се степаа руски и украински свештеник и тоа со крст.

Како што пренесува магазинот „Њузвик“ , свештеникот Михаило Василиук од Московската патријаршија нападнал украински свештеник, за време на погребот на украинскиот војник Олександар Зиниви на 22 јули.

Украинскиот војник загина во близина на Миколаев, во украинскиот град Винца.

Во видео поставено на Јутјуб, рускиот свештеник го удира украинскиот свештеник Анатолиј Дудко, при што воен персонал интервенира за да го отстрани.

Локалниот активист Серчиг Тимков прв го постави видеото на Фејсбук, посочувајќи дека украинскиот свештеник се здобил со полесни повреди, коментира британскиот весник „Сан “.

„Според мене, инцидентот ја преминува границата на ароганцијата. Врз основа на она што го видовме, барам органите на прогонот да обезбедат ред на сите собири каде што има конфликт“, рече Тимков.

Зошто рускиот свештеник го нападна украинскиот свештеник

Според украинските извештаи, украинскиот свештеник Дудко го налутил рускиот свештеник кога јавно го обвинил рускиот претседател Владимир Путин дека продолжува да ја бомбардира Украина.

Дудко, наводно, рекол дека Путин ја започнал војната во Украина делумно за да ги заштити верниците на Руската православна црква, што предизвика остра реакција од рускиот свештеник.

Украинската агенција „Vinbazar.com“ објави дека властите наредиле кривична истрага за овој инцидент.