ВИДЕО | Рецепт за прочуената грчка мусака, без месо
Мусака се подготвува во многу земји, а во секоја се додава барем една состојка што ја разликува од другите.
Препорачано
Во традиционалната грчка кујна неизбежна е грчката мусака, а ние ви го носиме оригиналниот рецепт. Грчката мусака е една од попознатите, а се подготвува со модар патлиџан, мелено месо и бешамел сос.
Ви предлагаме да го пробате и овој грчки рецепт за мусака, но без месо. Наместо тоа, додадете сирење, а преливот направете го од јогурт. Поубаво и повкусно не сте пробале, а целото семејство ќе биде воодушевено.
Состојки:
– 3 модри патлиџани
– 200 милилитри сос од домати
– 3 лажици маслиново масло
– 1 лажичка слатка пиперка
– 1 лажичка оригано
– 1 лажичка босилек
– 100 грама фета-сирење
– 100 грама тврдо сирење
– 1 мал домат
За преливот:
– 1 јогурт
– 1 јајце
– 1 лажичка мелена слатка пиперка
Подготовка:
Модриот патлиџан исечкајте го на сплоснати парчиња, ленти, па наредете ги на плех обложен со хартија за печење и добро подмачкајте го и посолете го. Печете во загреана рерна на 200 степени околу 30-40 минути. Потоа во сад измешајте ги сосот од домати, маслиновото масло и зачините и премачкајте го дното на тепсијата. Наредете го модриот патлиџан и посипете со издробено фета-сирење и рендано тврдо сирење. Така редете додека не ги потрошите сите состојки (оставете малку сирење за посипување).
Последниот ред треба да биде сос од домати. Направете го преливот така што ќе ги изматете јајцето и јогуртот и ќе ја додадете слатката пиперка. Се убаво измешајте и со добиениот прелив прелијте ја мусаката.
Посипете со фета-сирењето и ренданото сирење што сте го оставиле настрана и наредете ги доматите исечени на кругови. Печете во рерна на 200 степени околу 30 минути.
