Ова е ручек што ретко кој го памети, но вкусот е толку добар што ќе го правите често.

Состојки за ќофтиња:

– 500 грама мелено месо
– 1 китка млад кромид
– 2-3 чешниња лук
– 100 грама лебни трошки
– 1 јајце
– 1,5 дл бело вино
– сечкан магдонос
Зачинете по вкус: сол, бибер, оригано, мелена пиперка

За преливот:

– 2 лажици кисела павлака
– 1 лажица сос од домати
– 1 дл павлака за готвење
– 1 дл вода

Зачинете по вкус: сол, бибер, оригано, мелена пиперка (оние кои сакаат малку позачинети можат да додадат лута мелена пиперка, вкусот ќе биде барем 10 пати подобар)

И уште: околу 800 грама мали млади компири

Подготовка:

Измешајте го меленото месо со сечкан млад кромид, чешниња лук, јајце, лебни трошки, вино, магдонос и зачини. Сето тоа добро измешајте и направете ќофтиња.

Во огноотпорен сад наредете ги ќофтињата и младите компири кои кратко сте ги свариле. Потоа ставете сè во рерна да се пече околу 20 минути, на температура од околу 200 степени Целзиусови.

Додека се печат ќофтињата, направете прелив од киселата павлака, доматниот сос и павлаката за готвење. Прелијте сè одозгора и печете уште малку.