Сезоната за доделување филмски награди е во полн ек, а вчера се одржа популарното доделување на Наградите од изборот на критичарите (Critics Choice awards) во Санта Моника, Калифорнија.

Филмот „Барби“ повторно се најде меѓу наградените, а покрај наградата за најдобра комедија, наградена е и песната “Јас сум само Кен“ (I’m Just Ken), пишува „Дејли мејл“. 

Песната за тажниот живот на Кен, кој никогаш не може да го достигне местото што го заслужува во светот на Барби, исто така носи различни значења, а вредноста на овие заразни текстови ја препознаа и критичарите на Американско-канадското друштво (CCA) и ја наградија песната со победа во категоријата најдобра песна.

@dailymail Ryan Gosling’s hilarious confused reaction to his Barbie track I’m Just Ken winning Best Song at the Critics Choice Awards went viral on Sunday. #fyp #imjustken #ryangosling #criticschoiceawards #meme ♬ original sound – Daily Mail

Меѓутоа, кога презентерите прочитале дека песната ја добила наградата, изведувачот на песната, актерот Рајан Гослинг не можел да поверува. Неговата урнебесно збунета реакција набрзо стана вирална, а изгледа дека ќе стане мим. Текстописците Марк Ронсон и Ендрју Вајат излегоа на сцената за да ја примат наградата, а Гослинг гледаше од своето место во публиката со неверување додека ја гледаше церемонијата.

„Создаде нов мим“, „Беше збунет како нас“, „Сè уште се смеам на овој израз“, „Тој е вистинскиот Кен“, „Пристигна новата реакција на Рајан Гослинг“, беа само некои од коментирите, како реакцијата на актерот на социјалните мрежи.