Екипата на Пари Сен Жермен со убедливи 6:0 го совлада Монпелје во рамките од второто коло во француската Лига 1.

Фантастична вечер им приредија фудбалерите на ПСЖ на своите навивачи на „Паркот на Принцовите“. Резултатот беше отворен по само четири минути игра кога во листата на стрелци се запиша Баркола. Дваесетина минути подоцна мрежата на гостите ја погоди Марко Асенсио, а и во двете ситуации асистент беше Жоао Невеш.

Второто полувреме донесе фуриозна игра на „светците“ кои со уште четири гола го прегазија својот противник. Погодуваа Хакими, Заир Емери, Ли Канг Ин и уште еднаш Баркола.