Во подводните археолошки истражувања на потопениот неолитски локалитет Солине на островот Корчула, археолозите пронајдоа остатоци кои дури и нив ги изненадија. Имено, под наносите на морската кал бил откриен пат кој ја поврзувал потонатата праисториска населба на културата во Хвар со брегот на островот Корчула., пренесува „Морски“.

Станува збор за внимателно наредени камени плочи во ширина од четири метри. Со радиокарбонската анализа на зачуваното дрво пронајдено во последните истражувања, целата населба е датирана околу 4 900 години п.н.е. Се претпоставува дека овој пат се користел пред речиси 7 000 години.

Истражувањето чиј раководител е Матe Парица од Универзитетот во Задар е резултат на соработка на повеќе институции и компании. Археолошкиот тим кој нуркаше на локалитетот Солине изврши увид и во централниот дел на заливот Градина. На задоволство на сите, на длабочина од 4 до 5 метри е утврдено постоење на населба речиси идентична со онаа во Солине. На локалитетот се пронајдени неолитски артефакти како што се сечила од кремен, камени секири и фрагменти од воденички камења.