Падна првиот снег во земјава. Маврово и Попова Шапка утрово се под снежна покривка.

Од видеокамерите на Шапка, може да се види белата покривка на планината.

Студениот бран ја зафати Македонија, на планините локално се очекува снежна покривка дури од над 50/60 сантиметри, а повремен снег ќе има и во дел од повисоките градови во западните и во северните предели од нашата Македонија. Ќе дува повремено засилен ветер од северен правец.

Според најавата на УХМР, од денес до утре под влијание на влажен бран ќе има врнежи од дожд, локално пообилни. Вкупно од овој бран се очекува на повеќе места да наврнат над 30 l/m², а локално и над 50 l/m².

Поради продор на постудена воздушна маса од север и засилен северен ветер, денес на повисоките планини врнежите ќе преминуваат во снег, а поради натамошно спуштање на студен воздух, утре ќе има услови да преминуваат во снег и на некои од повисоките места.
На повисоките планини ќе се формира снежна покривка. Температурата на воздухот значително ќе опадне.