Првиот трејлер за долгоочекуваниот филм „Недеља“ кој го следи животот на еден од најпопуларните српски пејачи Џеј Рамадановски, ја виде светлината на денот, пренесуваат српските медиуми.

Инспириран од вистински настани, филмот е создаден по идеја на продуцентот Владан Анѓелковиќ и сценаристот Стефан Бошковиќ, а во режија на Немања Ќераниќ и Милош Радуновиќ.

Во него се раскажува приказната за Џеј од неговата најрана младост, па сè до големиот успех што пејачот го постигна.

Филмот „Недеља“ го прикажува духот на Дорчол во седумдесетите и осумдесетите, како и преминот во деведесетите. Ова е филм за пријателството и успехот, во кој проникнуваат елементи на акција, драма и незаменлива музика. Еден од најнезаборавните моменти е судбоносната средба на Џеј со Марина Туцаковиќ и Фута.

Актерската екипа ја сочинуваат Хусеин Алијевиќ, Милица Јаневски, Марко Јанкетиќ, Стефан Вукиќ, Алексеј Бјелогрлиќ, Ален Селими, Ана Пиндовиќ, Златан Видовиќ, Маша Ѓорѓевиќ, Стојша Ољачиќ, како и нашиот актер Бајрам Северџан, кои се потрудиле на свој начин да го пренесат животот на Џеј на филмското платно.

Во продолжение погледнете го трејлерот:

Со помош на вештачката интелигенција: Цеца ќе ја пее насловната песна за филмот на Џеј Рамадановски

Почна снимањето на филмот за Џеј Рамадановски: Сопругот на Туцаковиќ ќе биде дел од проектот по двете трагедии