ВИДЕО: Пресврт на Ѓоковиќ за полуфинале на „Ролан Гарос“
За првпат на годинешниот „Ролан Гарос“, Новак Ѓоковиќ загуби сет, но тоа не го спречи српскиот тенисер да запише уште еден триумф во Париз. Ѓоковиќ по 12. пат во својата кариера обезбеди пласман во полуфиналето на „Ролан Гарос“.
Препорачано
-
1
-
2
-
3
Српскиот тенисер со резултат 3:1 во сетови, по три часа и 38 минути игра, го елиминираше Карен Хачанов.
Првиот сет му припадна на Русинот со 4:6, но потоа следуваше пресвртот на Ноле, кој најпрвин израмни откако вториот сет го доби во тај-брејк.
Третиот светски рекет блескаше во третиот сет, добивајќи го со 6:2, а доминацијата ја потврди во четвртиот (6:4) за поставување на конечниот епилог.
Противник на Ѓоковиќ во полуфиналето ќе му биде подобриот од четвртфиналната пресметка во која се среќаваат првиот светски рекет Карлос Алкараз (Шпанија) и петтиот носител на турнирот, Стефанос Циципас (Грција).
A blistering winner sealed with a kiss ?
? @DjokerNole ? #RolandGarros pic.twitter.com/T4GBzGEXjd
— Eurosport (@eurosport) June 6, 2023
A Novak Djokovic special ?#RolandGarros | @DjokerNole pic.twitter.com/LyEfTutNUl
— Eurosport (@eurosport) June 6, 2023
SUPER NOLE ✨
Novak Djokovic defeats Karen Khachanov, 4-6 7-6(0) 6-2 6-4 and reaches the semi-finals at Roland-Garros for the 12th time! #RolandGarros | @DjokerNole pic.twitter.com/b2CEO7EWks
— Eurosport (@eurosport) June 6, 2023
Втората полуфинална двојка ќе ја дознаеме в среда по мечевите: А. Зверев – Т.М. Ечевери и Х. Руне – К. Руд.
Во женска конкуренција веќе е познат првиот полуфинален пар, Арина Сабаленка ќе игра против Каролина Мухова (Чешка) која претходно ја совлада Русинката Анастасија Пављученкова.
Втората носителка на турнирот, Белорусинката Сабаленка двапати со 6:4 триумфираше против Елина Свитолина од Украина.
