Шведскиот моден бренд „H&M“ го ангажираше фудбалерот Златан Ибрахимовиќ да биде заштитно лице на нивната нова кампања „Движи се“.

За потребните на кампањата, фудбалерот сними забавна реклама со легендарната актерка Џејн Фонда, која, меѓу другото, беше и фитнес-икона во осумдесеттите.

Имено, на рекламата е прикажан симпатичен видеоразговор меѓу Ибрахимовиќ и Фонда, која му дава инструкции како да вежба.

„Ајде Златан, побргу, спушти се на под“, Фонда е „немилосрдна“.

„Дали ова е во ред, Џејн?“, ја прашува тој додека стои на раце.

„Не е лошо за некој на твоја возраст“, му одговара таа.

Рекламата доживеа голема популарност на социјалните мрежи, каде луѓето споделуваат дека многу се забавувале додека ја гледале.