Не се заборава денот кога Кометал Ѓорче Петров ја освои титулата во женската ракометна Лига на шампионите…

На денешен ден, 19 мај 2002 година тогашните ракометарки предводени од тренерот Александар Панов во големото финале беа подобри од унгарскиот состав на Херц.

Во првиот меч одигран во Унгарија противникот стекна предност од два разлика (27:25), но на реваншот македонската екипа успеа да ја анулира негативата.

Во една фантастична атмосфера во СРЦ „Кале“ во Скопје Кометал ЃП триумфираше со конечни 26:22 за огромен успех на нашиот женски ракомет.

Во таа „златна“ генерација беа Индира Кастратовиќ, Наталија Малахова, Луминица Дину, Анжела Платон, Милева Велкова, Гордана Нацева, Мирјана Чупиќ, Лариса Ферзалиева, Андријана Будимир, Елена Златановска, Анња Андрушченко, Ирина Калиниченко и Оксака Плошчинска.