Поп ѕвездата Џенифер Лопез, која неодамна наполни 55 години, изминатиот викенд настапи на фестивалот „World Pride“ во Вашингтон, а нејзиниот стајлинг предизвика силни реакции во јавноста. Додека дел од обожавателите со воодушевување ја поздравија нејзината смелост, други жестоко ја критикуваа.

На сцената, пејачката се појави во неколку впечатливи изданија, но најголемо внимание привлече сребрениот костим со стотици светкави кристали, со длабоко деколте и висок изрез на бедрата, дизајн на модната куќа „Де Блондс“.

Jennifer Lopez performing her new song with David Guetta at #WorldPrideFestival #SavemeTonigjt @JLo @JLotickets pic.twitter.com/O0RdpL97I2

— SebasBar (@sebasbar17) June 7, 2025

Многумина оценија дека овој избор на гардероба открива повеќе отколку што е прифатливо.

„Облечи нешто на себе“, „Однесувај се во склад со годините“, „Изгледаш одлично, но ова е премногу“, беа дел од критичките коментари на социјалните мрежи. Имаше и такви кои ја нарекоа „очајна“ и ја обвинија дека по секоја цена се обидува да биде во центарот на вниманието.

Но, Џеј Ло и натаму има армија верни фанови кои секогаш ја поддржуваат.

„Секогаш кога мислиме дека нема со што ново да не изненади, таа повторно успева“, „Ако изгледав како неа, и јас ќе се појавев така“, „Критиките се само резултат на љубомора“, ѝ порачаа обожавателите.

Настапот доаѓа по нејзиното појавување на Американските музички награди, каде што предизвика контроверзии со тоа што се бакна и со машки и со женски танчер. И тогаш ја обвинија дека ги користи ЛГБТК елементите во настапите за маркетинг, а не од искрена поддршка на заедницата. Дел од коментарите беа навредливи, алудирајќи дека сè прави со цел повторно да го привлече вниманието на поранешниот сопруг Бен Афлек.

И покрај бурните реакции, Лопез на сцената им оддаде признание на своите ЛГБТК фанови.

„Години наназад сте моја сила и поддршка. Денес сум тука да ве славам. Пресреќна сум што можам да прославам заедништво, различност, љубов и слобода“, рече таа пред публиката.