После првото полувреме на стадионот во Прага, Чешка, нерешено е на пријателскиот натпревар меѓу најдобрата македонска фудбалска репрезентација и Саудиска Арабија (1:1).

Овој меч се користи како добра подготовка пред поважниот дуел кој е в недела во мундијалските квалификации во Скопје против Лихтенштајн.

Саудиска Арабија се покажа како поконретен ривал во текот на првото полувреме со поголем посед на топката и опасни акции кои се движеа околу голот на нашиот голман Димитриевски.

Тешко доаѓавме до шанса да го загрозиме противничкиот гол, но кога се ослободивме од притисокот, Деспотовски во 40 минута убаво нафрли, а Трајковски со „ножички“ донесе предност за нашата селекција.

Еден од најубавите погодоци во кариерата на Трајковски, а и неговите соиграчи од клупата станаа и му аплаудираа.

Не успеавме да ја задржиме предност до паузата, не реагиравме најдобро во средниот ред, топката брзо се движеше кон нашиот шеснаесетник, топка доби опасниот Ал Бураикан кој непречен од никого со левата нога ја затресе мрежата на Димитриевски за израмнување на резултатот.

🇲🇰 𝑮𝑶𝑶𝑶𝑶𝑶𝑶𝑶𝑶𝑶𝑶𝑶𝑶𝑶𝑶𝑶𝑶𝑳

⏰️ 40' ARÁBIA SAUDITA 0 x 1 MACEDÔNIA DO NORTE
⚽️ Trajkovski
🅰️ Despotovski

GOLAÇO! Macedônia abre o placar no amistoso com um belo voleio

pic.twitter.com/Az8os4WePb

— Central do Arabão (@centraldoarabao) September 4, 2025