Австралиската полиција уапси 44 мажи под сомнение дека поседувале и произведувале материјали за злоупотреба на деца, јави „Би-Би-Си“.

Тие се на возраст меѓу 19 и 57 години. Шеснаесет деца биле „спасени од експлоатација“ по истрагата, соопшти австралиската федерална полиција.

Апсењата се случија по една година истрага за споделени слики и видеа на интернет. Мрежата се проширила речиси низ целата држава, и апсењата се извршени во секоја австралиска држава.

Полицијата поднесе вкупно 350 обвиненија, сите поврзани со поседување или производство на материјали за експлоатација на деца.