Аргентинецот Маурисио Покетино го започна успешно својот мандат како селектор на фудбалската репрезентација на САД со победата од 2:0 над Панама во Остин, Тексас.

Поранешниот тренер на Тотенхем, Пари Сен Жермен и Челси беше ангажиран минатиот месец да ги преземе САД и тимот што победи само на еден од последните седум натпревари. Тој ќе ги предводи Соединетите Американски Држави до Светското првенство во 2026 година, чиј домаќин е заедно со Канада и Мексико.

Против Панамците, неговите играчи победија со головите на играчот од средниот ред на Милан, Јунус Мусах (49`) и напаѓачот на ПСВ Ајндховен, Рикардо Пепи (90+4`).

– Тоа е многу добро чувство. Беше многу, многу тежок натпревар за нас. Градиме нешто малку по малку. Целта е 2026 година, но мислам дека сме среќни бидејќи бевме солидни и имавме многу професионални перформанси и бевме конкурентни. Но, тоа е само првиот чекор за подобрување – рече 52-годишниот Покетино.

Неговата репрезентација во вторник ја чека потежок тест на гостински терен, кога во Гвадалахара ќе ги одмери силите со Мексико.