Последната песна на легендарните „Битлси“ наречена „Now And then“ беше објавена минатата недела, а сега публиката ширум светот може да го погледне видеоспотот во режија на Питер Џексон.

Како што може да се види на видеото, се појавуваат Пол Макартни и Ринго Стар, а со помош на специјални ефекти се додадени и покојните членови на оваа постава Џон Ленон и Џорџ Харисон од нивните млади денови.

Последната песна „Now And then“ се подготвуваше цели 45 години – од првите тактови кои ги напишал Џон Ленон во 1978 година, а на снимката може да се слушнат сите членови на групата, Џон Ленон, Пол Макартни, Џорџ Харисон и Ринго Стар.

Овој сингл ќе го одбележи последното поглавје на една од најголемите музички групи во историјата на рок музиката.

ВИДЕО | „Битлси“ го затворија кругот: Слушнете ја нивната последна песна „Now And Then“