Јутјуберот Богдан Илиќ, попознат како Бака Прасе, редовно сака да ги изненадува луѓето околу себе со скапи подароци. Покрај тоа што често им подготвува скапи изненадувања на пријателите, тој не ги заборава ниту следбениците.

Овој пат Богдан реши да оди чекор понатаму, па на својот најдобар другар Игор Богњеновиќ, како свадбен подарок, му подари автомобил за кој плати 50 илјади евра. Тој објави видео на Јутјуб во кое е документиран целиот процес на купување и самото изненадување на денот на венчавката.

Имено, јутјуберот сакал да го изненади својот другар, но сепак не сакал да му купи каков било автомобил, туку тој што сам ќе си го одбере.

Затоа Богдан го однел својот другар во салонот за автомобили со приказната дека ќе изберат автомобил за дарување („giveaway“), кој ќе биде подарен на некој од неговите следбеници.

Во продолжение на видеото, може да се забележи дека Богдан со нетрпение го очекувал денот на венчавката, за да му приреди незаборавно изненадување на својот другар.

Богдан, ги пречекал невестата и младоженецот во друштво на многу пријатели, а потоа пред сите му го покажал автомобилот кој бил неговиот свадбен подарок.  Игор и неговата избраничка со неверување го следеле моментот.

„Боже, шокиран сум!“, изненадено рече Игор.

„Ти благодарам за сè, ти благодарам што си со мене. Ова е за тебе, те сакам брат! Сакав да ја отпакуваш оваа кола за твојата свадба – имаш седиште, имаш налепници за тргање, па да видиме како ќе изгледа сето тоа, рече Богдан.

Богдан им објасни на своите обожаватели дека се одлучил на овој чекор од една едноставна причина – како што рече, Игор секогаш бил тука за него и му помагал секогаш кога му било потребно, па заслужил да добие толку скап свадбен подарок.