Далас маверикс ја совлада Оклахома со 95.86 во натпревар на кој на терените се врати Лука Дончиќ. Далас од 11 декември играше без својот најдобар кошаркар, кој против Оклахома оствари дабл-дабл од 14 поени и 10 асистенции. Најпрецизни кај Далас беа Тим Хардавеј и Маркис Крис со по 15 постигнати поени.

ЛА Лејкерс со 108:103 ја совлада Минесота во натпревар кој беше решен во последните минути. Иако Леброн Џејмс беше најефикасен кај Лејкерси со 26 поени, клучните поени на натпреварот ги постигнаа Расел Вестбрук и Ејвери Бредли. Вестбрук натпревар го заврши со 20 поени, додека Бредли постигна 14. Кај Минесота најпрецизен беше Нез Рид со 23 поени.

Феникс санс го растури Шарлот победувајќи со 34 поени разлика (133:99) во натпревар на кој постигна 17 тројки. Девин Букер со 24 поени ги предводеше „сонцата“, додека кај Шарлот прво име беше Ламело Бол со 17 поени.

Бостон селтикс дури во продолжението со 116:111 го победи Орландо меџик. Најефикасен во домашниот тим беше Џамал Браун со 50 поени и 11 скокови, неверојатна игра со која запиша нов рекорд во својата клупска кариера.

Резултати:
Бостон – Орландо 116:111
Кливленд – Индијана 108:104
Сакраменто – Мајами 115:113
Шарлот – Феникс 99:133
Оклахома сити – Далас 86:95
ЛА Лејкерс – Минесота 108:103