Лидија Марковиќ од Никшиќ ја однесе победата на натпреварот во лежење во Црна Гора откога лежеше речиси 1.200 часа. Победничката на натпреварот, која великодушно ја донираше наградата од 1.000 евра за хуманитарни цели, гостуваше во една емисија и објасни како поминал натпреварот, пренесува „Индекс.хр“.

“Едвај чекав да се пријавам и да се одморам. Искрено, ништо не ми беше тешко. Знаете ли колку е убаво чувството кога знаеш дека утре немаш никакви обврски, туку само да уживаш”, изјавила таа за нејзиното искуство, а потоа додала дека долго време се подготвувала за натпреварот.

„Кога немам што да правам, сакам да лежам, а натпреварот го чекав три години и секогаш дознавав кога веќе беше завршен, па оваа година не можев да дочекам. Го следев редовно и кога дознав дека почува, јас бев првата што се пријавив и прва дојдов на натпреварот“, рече таа.

@jutrozasve Nakon 50 dana završeno takmičenje u izležavanju. Pobjednica je Lidija Marković, koja je svoju nagradu dala u humanitarne svrhe #crnagora #lidijamarkovic @etnoselomontenegro @markovicliidija #balkan #takmicenje ♬ original sound – Jutro za sve

Да потсетиме, 23-годишната козметичарка на натпреварот изјавила дека воопшто не ѝ е напорно, а родителите во еден момент и понудиле 1000 евра за да се откаже од натпреварот, но таа упорно ги одбивала велејќи дека сѐ уште не е одморена.

„Не сум тука за тоа, туку за да се победам себеси. Ова е психолошка игра, ова не е само за наградата“, рече тогаш Лидија и додаде дека парите не ѝ се главниот мотив: „Моето семејство дојде и ме молеше да станам и да ми дадат илјада евра, но не, сакам да победам, одам до крај, затоа дојдов“, изјави таа за време на натпреварот.