Актерката Никол Егерт (51), позната по улогата во хит серијата „Чувари на плажата“ (Baywatch), пред речиси два месеци откри дека во декември 2023 година ѝ бил дијагностициран рак на дојка во втор стадиум.

Сега во текот на лекувањето на ракот, актерката во емотивно видео објави дека ја избричила главата. Таа покажа како нејзината ќерка ѝ помага да го избричи задниот дел од главата.

„Можеби исцелувањето не вклучува толку многу менување на себеси, туку дозволување да бидеме тоа што сме“, напишала Никол во описот на видеото што го сподели на Инстаграм.

Да потсетиме, Никол пред да ја дознае дијагнозата на рак мислела дека нејзините симптоми се знаци на менопауза. Таа се здебелила околу 11,5 килограми. Чувствувала болка во левата града, по што следеле мамографија и три биопсии, а потоа и дијагноза на лошата болест.