Музичкиот фестивал „Макфест“, на сцената ги донел некои од најголемите музички ѕвезди и хитови кај нас, како „Кога те нема“ на Хелена Благне, „Осамен“ на Трајче Манев, „Признавам“ на Маријана и Росана, „Ѕвона ѕвонат“ на Љупка Димитровска“, „Сонце за три светови“ на Мики Јовановски Џафер и уште многу други.

Но сепак има и такви кои и по 22 години успешна кариера никогаш не застанале на оваа легендарна сцена, една од нив е и Елена Ристеска која за себе вели дека имала добра причина зошто не го направила тоа. За првпат оваа година Елена настапи на „Макфест“, а по тој повод за „Слободен печат“ изјави дека ја прифатила понудата да биде дел од овој фестивал само поради тоа што е од ревијален карактер.

– До скоро беше со натпреварувачки карактер, а сега е ревијален. Не сум обожавател на фестивали генерално, се натпреваруваш, па чекаш и слично … Кога е веќе ревијално, вистинска можност да се дружам со публиката, со една од најубавите, штипската и дефинитивно да си промовирам песна – вели Елена за „Слободен печат“.