ВИДЕО | Српската евровизиска песна на Принцот од Врање е плагијат? Србите бесни, бараат замена
Српскиот пејач Стефан Здравковиќ, попознат како Принцот од Врање, со песната „Мила“ ќе ја претставува Србија на овогодинешната Евровизија што ќе се одржи во мај во Базел, Швајцарија.
Препорачано
Тој доби најмногу гласови со љубовната, романтична балада „Мила“, која ја потпишуваат Душан Бачиќ и Дејан Николиќ, меѓутоа, сега на социјалните мрежи испливаа наводи дека оваа композиција е всушност плагијат.
Имено, се работи за песна на американскиот пејач Џордан Смит, за која многумина пишуваат дека неверојатно потсетува на „Мила“ на Принцот од Врање.
„Дај ми го мејлот на овој човек или на неговиот тим за да му го испратам“, „Брат, ова е страшно! Типот ладно ја украде песната и сака да ја претставува Србија“, „Ова е сè исто, и песната и настапот“, „Ова е плагијат“, се само дел од коментарите.
LJUDI ????????
TAPKAJTE, TAPKAJTE#pze25 #caosvima pic.twitter.com/0vETuIWr9Y
— NIRVANA (@escNIRVANA) March 1, 2025
Она што е важно да се нагласи е дека песната мора да исполнува важни услови за воопшто да влезе во српскиот избор „Песму за Евровизију“ (ПЗЕ), па тешко дека и одговорните направиле таков пропуст.
Од друга страна, може да се забележи сличност меѓу песните, барем во мелодиската линија и ритамот, меѓутоа, дали е тоа доволно песната да се прогласи за плагијат? Одговорот го оставаме на надлежните, кои секако ќе се изјаснат доколку утврдат неправилности.
