Американската поп-пејачка Пинк, чие вистинско име е Алиша Бет Мур, морала да исфрли демонстрант од нејзиниот концерт во Сан Антонио, кој e дел од турнејата „Summer Carnival“, на која го промовира својот деветти студиски албум „Trustfall“.

Пејачката се налутила што мажот ѝ го прекинал нејзиниот настап со својот мобилен телефон. Тој бил близу сцената, во ВИП делот, доволно блиску за Пинк да го види. Додека таа го изведувала својот хит „So What“, тој почнал да зборува и им пречел на останатите посетители да ја слушаат песната.

Имено, мажот го искористил нејзиниот концерт за да протестира против обрежувањето. На публиката и на пејачката им покажал екран на кој пишувало „обрежување – сурово и необично“.

„Тргнете го тоа срање“, му рекла таа, но тој продолжил со протестот.

„О, па ти си смислил цела точка токму сега, зар не? Сакаш сите да го прочитаат тоа. Дојде вечерва за да зборуваш за обрежување. Дали се чувствуваш добро во врска со тоа? Ги потроши сите тие пари за да дојдеш овде и да го направиш ова? Ајде, човеку“, рекла Пинк.

По нејзиното предупредување, мажот почнал да се однесува агресивно, а на крајот бил изведен од обезбедувањето.

ФОТО + ВИДЕО | Бизарен „подарок“ за Пинк: Обожавател ја фрли пепелта од својата мајка на сцена за време на концерт