Вселувањето во нов дом носи радост и неизвесност, бидејќи никогаш не знаете какви изненадувања можат да ве очекуваат штом ќе ги земете клучевите.

Токму ова му се случи на еден британски пар кој, само две минути откако се вселиле, буквално „освоиле премијата“, пишува „Мирор“.

@lucy.ann.x A little about us as we take on this new journey with very little experience and an awful lot of optimism #victorianhouse #familyhome #renovation #reno #diyproject ♬ original sound – Headbangers Dan

Тиктокерката ЛусиАн објави снимки од 100-годишната куќа, која таа и нејзиниот сопруг почнале да ја реновираат. Штом го отстраниле дотраениот тепих, откриле неверојатно сочувани „винтиџ“ плочки!

– Сè се случи неколку минути откако ги добивме клучевите од новиот дом – открила жената, а нејзиното видео стана вирално и „собра“ повеќе од 3,9 милиони лајкови.

„Го освоивте џекпотот“, напиша едно лице, додека друго додаде: „Зошто некој би ги криел овие плочки“.

Во меѓувреме, пресреќната сопственичка објави уште неколку снимки од куќата, во која се всели со својот сопруг и двете деца. Сега им претстои сериозна работа, бидејќи старата зграда треба да се среди.

– Поранешните сопственици ни оставија фотографија од куќата од минатото и едвај чекаме да ја вратиме во нејзиниот поранешен сјај – додала таа.

@lucy.ann.x Floor Reveal… Feeling incredibly lucky that it’s in amazing condition considering it’s over 100 years old #victorianhouse #renovation #tiles #reno @LucyAnn ♬ original sound – Noah Kahan

Покрај тоа, сопружниците открија уште неколку скриени „детали“, вклучувајќи сауна што претходните сопственици заборавиле да ја споменат.

– Ова е нашиот прв проект за реновирање. Возбудени сме и исплашени во исто време – признала жената, додавајќи дека веќе почнале да градат игрална за деца, како што ветиле.

Приказната за необичното откритие под тепихот стана вирална низ целиот свет – како доказ дека понекогаш најголемите изненадувања се кријат токму под нашите нозе.