ВИДЕО | „Ова мора да престане“: Џастин Бибер покажа како изгледа секојдневното следење од папараците
Пејачот Џастин Бибер сподели видео на својот Инстаграм профил и им покажа на своите следбеници како изгледа средбата со папараците од негова перспектива, а на многумина им беше тешко да останат рамнодушни по ова.
Препорачано
Тој се стекна со слава на 13-годишна возраст, оттогаш живее под рефлектори и е мета на папараците кои почнаа да му претставуваат непријатност.
Од неодамна, обожавателите сè повеќе изразуваат загриженост за неговото ментално и физичко здравје, особено по фотографиите на кои Бибер изгледа исцрпено и несреќно. Но, откако објави видео од папараците кои го среќаваат секој ден, на многумина им стана јасно низ што поминува секој ден и зошто не изгледа среќен на тие фотографии.
View this post on Instagram
Бибер преку видеото покажа дека е опкружен со камери кои го следат на секој чекор. Неговите коментари можеа да се слушнат и на видеото додека обезбедувањето се обидуваше да го заштити:
„Погледнете ги овие момци, ова мора да престане“.
И покрај тоа што обезбедувањето го штитеше од блицовите и ги молеше папараците да се повлечат и да му дадат простор, група мажи со камери постојано му се приближуваа, менувајќи ги аглите и туркајќи се за да ја направат најдобрата фотографија.
Многу од неговите следбеници заклучија дека ова е ситуација што може да се нарече и вознемирување. Некои побараа донесување закон за заштита на познатите личности од такво однесување во иднина.
Некои од неговите следбеници напишаа под објавата:
„Неверојатно е што го трпиш ова 15 години. Постојано се однесуваат кон тебе како кон животно во зоолошка градина, и папараците и јавноста“, „Ова е толку иритирачки, а само гледањето на екранот, ужас, блицовите се заслепувачки. Не можам ни да замислам како е во живо“, „Ти си човечко суштество кое заслужува мир и простор“, „Папараците се најниската форма на живот, ни треба закон што ќе ги третира како демначи и криминалци“.
View this post on Instagram
По оваа објава, Бибер објави нова каде што го искажа својот став за наводите дека треба да го напушти местото каде што моментално живее.
„Сите ми велат да се иселам од Лос Анџелес. Мислите ли дека ќе ме малтретираат ако одам таму каде што моето влијание е најпотребно? Како можеме да направиме промена ако бегаме од темнината“, рече тој.
