Фудбалерите на Јувентус на домашен терен го победија Лацио со 3:0 во натпреварот од 15 коло во најквалитетното италијанско првенство за шести триумф во низа.

Клубот од Торино поведе во 43 минута преку Кин, кој го искористи истрчувањето на голманот Проведел и го лобуваше.

Во 54 минута Костиќ шутираше кон голот на Лацио, а неговиот удар го одбрани Проведел. Но, во продолжението од акцијата топката стигнува до Кен, кој го постигна вториот гол. Конечниот резултат го постави Милик во 90 минута по асистенцијата на Киеза.

На третото место е Јуве со 31 бод, додека Лацио по првиот пораз сезонава на гостувањето во Серија А е на четвртото место со бод помалку.

Следува пауза поради Светското првенство во Катар, а шампионатот во Италија ќе продолжи на почетокот на јануари. Во следниот натпревар Јувентус гостува кај Кремонезе, а Лацио кај Лече.

ВИДЕО: Босанскиот „дијамант“ Џеко ја урна Аталанта за пресврт на Интер