Со портокалова коса во комбинезон со пруги и впечатлива шминка, вчера беше претставена новата восочна фигура на покојната рок ѕвезда Дејвид Боуви во улога на Зиги Стардаст во музејот на Мадам Тисо во Лондон, со што е заокружена целата музичко-тематската постава.

Користејќи мерки и слики од 1983. година музејот Мадам Тисо објави дека при создавањето на восочниот Боуви користел негови лични работи, а ова е втората изработена восочна фигура за оваа мегапопуларна светска ѕвезда. Британскиот кантавтор почина од рак во 2016 година на возраст од 69 години.

-Дејвид Боуви како Зиги Стардаст ги надминува генерациите и музичките жанрови, изјави Тим Вотерс, генералниот директор на музејот Мадам Тисо во Лондон.

 

View this post on Instagram

 

A post shared by Madame Tussauds London (@madametussauds)

– Ни беше чест да работиме со неговите лични работи по повод неговиот 75-ти роденден и да одиграме мала улога во одржувањето на неговото уникатно наследство живо за генерациите што доаѓаат, додаде тој.

Новата фигура стои во реновираниот оддел на музичкиот фестивал во музејот, кој вклучува реплики од Бијонсе, Ејми Вајнхаус, Џими Хендрикс и Ед Ширан.