Кошаркарите на Мајами го совладаа Хјустон со 104:100 во возбудлив натпревар од НБА лигата.

Голем инцидент се случи на 35 секунди пред крајот на мечот при резултат 99:94 со Мајами кога физички се судрија играчот на Хјустон Амен Томпсон и членот на Мајами Тајлер Хиро, по што кошаркарот на Хит заврши на подот.

Судиите, соиграчите од паркетот и клупата, како и членовите на стручниот штаб веднаш истрчаа кон нив двајца, се создаде голема гужва, но немаше премногу удари, туку сѐ се сведе на туркање и вербални закани.

Ситуацијата се смири по неколку минути, судиите им го покажаа патот до соблекувалната на шест играчи од двата тима, а победата на Мајами до крајот не беше доведена во прашање.

Сега се чека одлуката на првите луѓе на најдобрата кошаркарска лига во светот за висината на казните за сите кои учествуваа во инцидентот.

Hubo pelea en Houston-Miamipic.twitter.com/V9jP38EXZn

— Isolation (@IsolationNBA) December 30, 2024