Во дербито на врвот на табелата во украинската женска ракометна лига дојде до непријатни сцени.

На натпреварот помеѓу второпласираниот Дњепарк Херсон и третопласираниот Реал Николаев дојде до општ метеж на крајот од мечот.

При резултат 27:24 беше фаулиран пивотменот на гостинскиот тим кој одговори со удар по што веднаш дојде до физичка пресметка.

Следуваше голема тепачка со многу удари во која учествуваа голем број на ракометарки.

Еден од судиите се обиде прво да го спречи инцидентот кој следуваше, но неуспешно, веднаш се повлече, не можеше да поверува што се случува и се фати за глава во еден момент. Сигурно имаа доста работа арбитрите со доделувањето на црвените картони, исклучувањата.