Американката, позната само како Мјау (Meow), е уште еден случај кој го привлекува вниманието на јавноста и на некои психолози. Жената се идентификува како куче, живее како куче и тврди дека отсекогаш било така. Уште како мала уживала во улогата на куче во игрите, а денес токму нејзиниот животен стил го покажува на платформата „Твич“ (Twitch), пишува „Дејли Мејл“.

Мисли дека е далматинец, па така и се дотерува, оди на четири, лае, спие во кутија, а не во кревет… Вели дека одмарањето во затворен простор ѝ помага да се чувствува безбедно навечер.

– Внатре имам пастелни ќебиња и пастелни перници. Не знам дали се чувствувам побезбедно од светот во затворен простор или светот е побезбеден од мене, но секако се чувствувам многу удобно – изјави таа.

Таа вели дека откако пораснала, не сакала да престане да ја игра детската игра во која отсекогаш толку многу уживала.

– Сфатив дека кога заработувам пари и ја плаќам киријата, можам дополнително да правам што сакам, а сакав да бидам куче – додаде таа и откри дека има пријатели кои ја носат на прошетка како што би носеле куче и како што самата вели нема ништо сексуално во тоа.

Освен што ја носат на прошетка, редовно ја хранат, ја чешкаат…

– Имам одгледувачи. Нешто како дресери на кучиња. Ме хранат, ме носат на прошетки, тренирам, што ми е една од омилените работи бидејќи добивам подароци – изјави таа.

Сака да биде наградена со исечено пилешко месо, а понекогаш дури и кучешки бисквити. Понекогаш јаде храна за кучиња, но не е воодушевена.

– Малку е блуткаво, сакам да ставам супа од коски или некои други додатоци – вели тој.

Мјау појасни дека има два до тројца редовни „одгледувачи“ (луѓе кои ја шетаат, тренираат…) што го прават бесплатно.

– Не морам никому да платам за да поминува време со мене – рече таа и истакна дека „се чувствува почовечно затоа што е во контакт со примарната, животинска страна на нејзината личност“. Напоменала и дека воопшто не ѝ е грижа што мислат другите за неа.

– Не сум фокусирана на другите луѓе и нивните реакции кон мене, затоа што толку многу уживам во моментот кога ја бркам топката, како куче, сакам да седам и да настапувам за кој и да е мојот фокус – објасни таа.