Фудбалерите на Баерн Минхен ја демонстрираа својата надмоќ во четвртото коло од Бундес лигата, совладувајќи го Вердер на гости со убедливи 5:0.

Тимот предводен од Винсент Компани поведе во 23 минута кога Мајкл Олисе ја затресе мрежата на домашните. До крајот на првото полувреме Џамал ​​Мусијала зголеми на 2:0.

Во вториот дел од мечот Баварците продолжија со офанзивата и постигнаа уште три гола. Хари Кејн погоди за 3:0, Олисе со вториот гол зголеми на 4:0, а листата на стрелци ја затвори Серж Гнабри.

Баерн можеше да оствари и поубедлив триумф, но неколку прилики останаа неискористени поради недоволната концентрација на крајот. Со оваа победа Баерн го задржа максималниот учинок во сезоната со четири победи од четири кола, додека Вердер е на 10 место со пет освоени бода.

На другите натпревари во Бундеслигата во саботата беа постигнати следниве резултати: Бохум – Кил 2:2, Хајденхајм – Фрајбург 0:3 и Унион Берлин – Хофенхајм 2:1.