Екипата на Вардар 1961 беше елиминирана во осминафиналето од Лигата на шампионите против унгарскиот Веспрем кој продолжува понатаму во елитното клупско натпреварување.

На реваншот во Унгарија „црвено-црните“ предводени од тренерот Давид Дејвис ремизираа, а значаен придонес за овој резултат имаше голманот на македонскиот првак, Васил Гогов.

Нашата 21-годишна надеж не добиваше многу минутажа оваа сезона во ЛШ, а возвратниот дуел со Веспрем го искористи да ги покаже своите голмански вештини.

Се покажа во многу добро издание со осум одбрани, а една од нив се најде и во изборот на ЕХФ, во Топ 5 најдобри одбрани од реванш осминафиналните мечеви.

Во изборот се наоѓаат уште Кевин Бонефоа (Монпеље), Себастијан Франдсен (Порто), Владимир Цупара (Веспрем) и Бенјамин Буриќ (Флензбург). Одбраната на Гогов можете да ја погледнете на следниот линк ТУКА