Обожавателите на „Пријатели“ сакаат сцена за која велат дека „ја предвидела“ смртта на Метју Пери да биде отстранета од серијата. Актерот почина на 54-годишна возраст, а неговото безживотно тело беше пронајдено во џакузито во неговиот дом во Лос Анџелес. Сѐ уште не е позната точната причина за смртта.

Поради околностите во кои почина актерот, сега на социјалните мрежи се прошири сцена од „Пријатели“, која изгледа прилично морничаво по смртта на Пери. Станува збор за сцена од петтата епизода од седмата сезона, која се вика „The One With The Engagement Picture“ и за првпат беше прикажана во 2000 година.

Во сцената, Чендлер и неговата свршеница Моника Гелер (Кортини Кокс) се фотографираат за да ја најават нивната венчавка, при што на Чендлер му е тешко природно да се насмее.

„Што не е во ред со твоето лице?“, Моника го прашува Чендлер.

„Оваа фотографија треба да покаже дека Гелер и Бинг се венчаат, а не дека локална жена спасила давеник“, додава тој.

Фотографот почнува да се смее на тоа, што ја нервира Моника, па таа му вели: „Еј, не му се смеј! Тој е мојот давеник“.

„Оваа сцена не е добра по веста за причината за неговата смрт“, „Може ли оваа сцена да биде уште пострашна?“, „Треба да ја отсечат оваа сцена од шоуто. Тие практично ја предвидоа иднината“, се само дел од коментарите на вознемирените обожаватели.