По поразот од Аталанта во Лига Европа, Ливерпул денеска запиша уште еден неуспех и тоа од Кристал Палас на ,,Енфилд” со 1-0 и ова е пораз кој може да биде клучен во битката за врвот во Премиерлигата.

Ливерпул води тешка борба со Арсенал и Манчестер Сити за титулата, но денешниот загубен меч може да се покаже како клучен на крајот.

Езе со гол уште во 14. минута му донесе водство на Кристал Палас од 1-0. Ливерпул се обидуваше да дојде до погодок, но не успеа да искористи ниту една шанса од оние кои ги создаде.

Во останатиот натпревар во истиот термин, Фулам со 2-0 славеше на гостувањето кај Вест Хем.