Деновиве, во просториите на “Слободен печат”, не посетија учениците од новинарскиот клуб на ОУ “Кузман Јосифовски Питу” коишто имаа можност подетално да се запознаат со процесот на креирање вест, пишување текстови, подготовка на весник, работа во студио и новинарска пракса.

Тие беа многу заинтересирани и поставуваа многу прашања, на кои уредниците со задоволство им одговорија. Како дел од практичниот дел, учениците влегоа во студиото и имаа можност да тестираат како се води емисија.

-Научивме како убаво да изгледа весникот, како да го привлекува окото и да го привлечеме читателот да чита, на пример, со слики, дали е голем текст, голем наслов, помал текст-вели една од ученичките за „Слободен печат“

Од сите информации кои ги добија учениците се поделија во групи се со цел да ги поделат обврските, да направат неколку секции за да го креираат нивниот весник.

-Нашиот весник е училишен и во него ќе пишуваме за успехот на учениците, за ученичките настани и активности – вели една од ученичките.