Неколку десетици граѓани втор ден по ред протестираа против загадувањето од депонијата „Вардариште“. Со свирежи и транспаренти со пораки за чиста животна средина, тие се собраа кај мостот „Киро Глигоров“ кај паркот „Авионче“ во Аеродром, пренесе „24 Инфо“

Протестот се одржа на крстосницата на булеварите „Србија“ и „АСНОМ“, која денес беше целосно блокирана.

„Воздухот секојдневно мириса на пластика, тоа е штетно“, велат граѓаните кои протестираат, додавајќи дека чадот од дивата депонија им ги труе децата, предизвикува астма и други сериозни заболувања.

Граѓаните бараат да се преземат конкретни мерки за да се стави крај на екстремното загадување кое се принудени да го трпат со години.

Оградување, 24-часовен надзор и забрана за влез – Каја Шукова го претстави планот за решавање на проблемот со Вардариште