„Граѓаните“ немаат најдобар старт оваа сезона во Премиер лигата, во својот петти натпревар на гостински терен само ремизираа 1:1 против Вест хем.

Популарните „чекани“ први дојдоа до предност, во 18 минута Куфал убаво го пронајде Антонио, а овој возврати на прекрасен начин откако со „ножички“ ја затресе мрежата на Едерсон.

Израмнувањето се случи на стартот од вториот дел (51`), Кансело по левата страна се ослободи од еден противнички играч, во прав момент во шеснаесетникот му асистираше на Фоден кој од непосредна близина го совлада голманот Фабиански.

Во самиот финиш од средбата гостите можеа да направат целосен пресврт на средбата, но Стерлинг не искористи убава шанса за погодок.

Моментно на табелата Вест хем е на 10 позиција со осум бодови, колку што има и Сити на 11 место.