Паника во авион на „Јунајтед ерлајнс“ откако неговиот мотор се запалил на пистата за време на полетувањето во Тексас, поради што патниците биле принудени да бидат евакуирани. Патниците забележале портокалови пламени кои избиваат од крилата на авионот и почнале да го повикуваа екипажот да ги симне од авионот.

На едно такво видео, може да се види како патник ја врти камерата за да покаже портокалови пламени на крилото и патниците кои покажуваат кон огнот и панично врескаат кон екипажот.

„Ве молам, ве молам, извадете не одовде“, се слуша како некои од патниците извикуваат.

?#BREAKING: Numerous passengers were evacuated after United Airlines plane after it caught fire during takeoff

?#Houston | #Texas

A United Airlines flight from Houston to New York was evacuated after an engine fire forced the crew to abort takeoff, according to the FAA.… pic.twitter.com/bfoYcALkjW

— R A W S A L E R T S (@rawsalerts) February 2, 2025

Сите патници и членови на екипажот потоа беа евакуирани. „Некои патници мораа да се евакуираат користејќи тобогани за итни случаи, додека други излегоа преку скалите на авионот“, според пожарникарската служба во Хјустон. Видео снимката покажува како патници стојат на асфалтот додека екипите за итни случаи реагираат.

„Нема извештаи за повредени“, се наведува во соопштението.

Летот на „Јунајтед ерлајнс“ превезувал 104 патници и пет членови на екипажот до аеродромот ЛаГвардија во Њујорк и требало да полета кога бил забележан пожарот.

„Патниците се спуштија на пистата преку комбинација од тобогани и скали и беа транспортирани до терминалот. Уредивме различен авион за да ги однесе клиентите до нивната дестинација во 14 часот по средноевропско време“, соопшти авиокомпанијата.

Федералната управа за авијација (ФАА) соопшти дека летот 1382 на Јунајтед ерлајнс, кој летал за Њујорк, бил приземјен на пистата на интерконтиненталниот аеродром Џорџ Буш во Хјустон, нешто по 8:30 часот. Нема повредени, а патниците со автобус се превезени назад до терминалот. ФАА соопшти дека инцидентот со пожарот на моторот на аеродромот во Хјустон ќе биде истражен.

Овој настан следи по неодамнешните авијациски несреќи, вклучително и фатален судир меѓу авион на Американ ерлајнс и армиски хеликоптер над Вашингтон, без преживеани. Дополнително, мал авион се урна во прометна населба во Филаделфија, при што загинаа седум лица.