ВИДЕО | Норвешки брод за крстарење со 396 патници остана без струја откако налета на огромен бран
Норвешки брод за крстарење остана без струја откако беше погоден од огромен бран во четвртокот во Северното Море. Данските поморски власти во петокот изјавија за Си-Ен-Ен дека бродот „МС Мауд“ станал непловен откако силните ветрови ги скршиле стаклените прозорци и протекла вода, предизвикувајќи привремен прекин на електричната енергија.
Препорачано
Хуртигрутен Експедишонс (ХЕ) даде малку поинаков приказ за причината за инцидентот, велејќи за Си-Ен-Ен дека нивниот брод доживеал привремено губење на моќта во четвртокот „откако наиде на силен бран“. Бродот, со 266 гости и 131 член на екипажот, се упати кон Тилбери, Обединетото Кралство, од Флоро, Норвешка.
A Norwegian cruise ship MS Maud sailing in the North Sea on Thursday lost its ability to navigate after it was hit by a rogue wave during a storm. All 266 passengers and 131 crew members are reported to be safe..#Norwegian #cruiseship #MSMaud #storm #roguewave #Sea pic.twitter.com/cfQFgA5vSO
— mishikasingh (@mishika_singh) December 25, 2023
Бродот „МС Мауд“ пловел на околу 193 километри од западниот брег на Данска во четвртокот кога се случил инцидентот, изјави портпаролот на данскиот Заеднички координативен центар за спасување (ЈРЦЦ). Од ЈРЦЦ не беше побарано да ги евакуира патниците и членовите на екипажот, што го натера портпаролот да верува дека „се е во ред“ со оние што сè уште се во бродот.
„Од бродот е потврдено дека екипажот и гостите се безбедни, состојбата на бродот останува стабилна и екипажот може да плови под нивна моќ“, изјави портпаролот на ХЕ доцна во петокот.
Цивилниот брод беше стабилен со мотори кои работат, но навигациските системи и радарот останаа офлајн „поради водата во системите на мостот“, изјави претходно во петокот портпаролот на ЈРЦЦ.
„Може да се маневрира преку системот за итни случаи и во близина има два цивилни брода за поддршка „Есвагт“, додаваат тие.
Рутата на бродот беше променета по безбедносни проверки и технички проценки, соопшти ХЕ, а патниците сега ќе се симнат во Бремерхавен, Германија. „Нашиот тим организираше патување кон дома за гостите на бродот“, рече портпаролот на ХЕ.
