Големото локално дерби помеѓу Сандерленд и Њукасл во третата рунда од ФА купот го привлече вниманието на фудбалските фанови.

Доста познато е ривалството меѓу овие два клуба, оддалечени само 12 километри, а на „Тајн-Вер“ дербито триумфираше Њукасл со убедливи 3:0.

Иако традицијата беше на страната на Сандерленд, кој на последните девет дерби мечеви оствари шест победи и три нерешени, овојпат квалитетот на Њукасл беше клучен фактор.

Овие тимови не се сретнаа од 2016 година, а Њукасл последен пат триумфираше на 20 август 2011 година, кога екипата беше предводена од Алан Пардју.

Њукасл на денешниот дуел дојде во предност по автоголот на Балард во 36 минута, а двоен стрелец беше Исак во 46 и 90 минута, вториот гол беше реализиран од пенал.