Арсенал со драматичен пресврт во финишот го совлада Њукасл со 2-1 и така освои важни три бода со кои се доближи до лидерот на табелата, Ливерпул.

Лондонскиот клуб беше во негатива речиси цел натпревар, откако новото засилување на Њукасл, Волтмад, во 34. минута го отвори резултатот и донесе предност за својот тим на полувремето.

Претходно, најконтроверзниот момент се случи кога Виктор Ѓокереш беше соборен од голманот Поуп во шеснаесетникот. Судијата веднаш покажа на белата точка, но по интервенција на ВАР, одлуката беше сменената и пеналот поништен.

Сепак, притисокот на „топџиите“ во второто полувреме даде резултат, иако дури во завршницата. Прво Микел Мерино во 84. минута донесе израмнување, а потоа, длабоко во судиското продолжение, дефанзивецот Габриел ја погоди мрежата за победа.

Преземено од: Спорт.ком.мк