Во НБА лигата кошаркарите на Денвер славеа на домашен терен против Портланд со резултат 112:103.

Повторно одлични перформанси покажа српскиот центар на Нагетси Никола Јокиќ кој беше прв стрелец со 29 поени, воедно запиша и осум скокови и седум асистенции.

Најблиску до Јокиќ беше Џамал Мареј со 21 поен, по 12 имаа Мајкл Портер Џуниор, Арон Гордон и Пејтон Вотсон, а двоцифрен беше и Кентевиус Колдвел-Поуп со 11.

За Трејлблејзерси најефикасен беше Деандре Ејтон со 27 поени, додека Анферни Симонс забележа 26. Скот Хендерсон постигна 14, а Тумани Камара 10 коша.

Тоа беше втора победа за Денвер против Портланд во „Бол арената“ во само три дена. Моментно е на четвртото место во Западната конференција, зад Оклахома, Минесота и ЛА Клиперс, а составот на Портланд е претпоследен на 14 позиција.

НБА лига, резултати –

Бостон – Мемфис 131:91
Шарлот – Индијана 99:115
Мајами – ЛА Клиперс 95:103
Минесота – Хјустон 111:90
Оклахома – Торонто 135:127 (по 2 продолженија)
Јута – Милвоки 123:108
Денвер – Портланд 112:103