Лаура и Кајл Бредли од Дарбишир, Велика Британија, знаеле дека ги чека голема работа кога ја купиле својата нова куќа. Но, никогаш не помислиле дека под подните даски ќе најдат – цел еден скриен кат. Нивното откритие го споделија на ТикТок, а снимката веднаш стана вирална.

„Купивме куќа знаејќи дека е проект. Претходната сопственичка, која починала во своите 80-ти години, живеела овде уште од 1962 година. Рано останала вдовица и сама одгледала три деца со многу малку пари. Немала пари за греење, па користела само една соба. Сè беше застарено и куќата бараше многу работа“, вели Лаура.

Првиот проблем бил застарената печка која не можела да се поправи. Водоинсталатерот препорачал целосна замена на системот за греење, што значело и отворање на подните даски. Токму тогаш, пред нешто повеќе од една година, Кајл и мајсторот налетале на неверојатно изненадување – под куќата се криел цел еден дополнителен кат.

„Немавме поим за тоа при купувањето. Чудно беше што никој не ни кажа – дали беше тајна со причина?“, се прашува Лаура.

@lauraellenbradley What has been your biggest reno headache?? Ours was also our biggest win….finding secret rooms under the house 🏡 #secretrooms #renovationlife #renovationhacks #homerenovationuk #diyhome ♬ My House (Challenge Version) – Flo Rida

Таа го снимала моментот додека нејзиниот сопруг првпат се спуштал долу. Снимката собра над половина милион прегледи.

Иако од улицата куќата изгледа како обичен бунгалов, од задната страна се спушта на уште еден кат кон дворот.

„Изградена е на рид, па просторот кој го откривме е во рамнина со патот, но скриен зад ѕид“, објаснува Лаура.

Ова откритие значително може да ја зголеми вредноста на нивниот дом, но пред нив има уште многу работа. Досега биле извадени над 70 тони материјал, а потребни се и дополнителни зајакнувања на темелите. Кога сè ќе заврши, Бредли ќе добијат речиси 40 квадратни метри нов простор – доволно за две соби и голем ходник.

„Сето ова е заслуга на Кајл. Само неговата упорност и градежно знаење го направија возможно. Да не беше тој градежник, ќе чинеше богатство“, вели Лаура.

@lauraellenbradley From dated to dreamy ✨ our hallway makeover for less than £300!! Yes this isn’t fully done but it’s an improvement and soooo much nicer to live with 💕 #homerenovationuk #renovationhacks #diyhome #hallwaydecor #budgetmakeover ♬ The Good Part – AJR

Досега вложиле стотици часови копање, а веќе имаат поставено подови. Во тек е приклучок на струја, по што ќе следи и малтерисување.

Парот веќе има големи планови за новиот кат.

„Една соба ќе биде моја теретана, другата – ‘машката пештера’ на Кајл и соба за оружје, бидејќи двајцата сме страсни стрелци. Ходникот ќе го претвориме во мал канцелариски простор под скалите“, открива Лаура.