Во последниот натпревар од неделната програма на 11 коло во англиската Премиер лига составот на Вест Хем на домашен терен со резултат 3:2 (1:1) го совлада Ливерпул.

„Чеканите“ предводени од менаџерот Дејвид Мојс ја забележаа и четвртата победа по ред за моментно да се наоѓаат на делба на втората позиција заедно со Манчестер сити со по 23 бодови, само три повеќе има водечкиот Челси.

За „црвените“ од Енфилд ова е прв пораз сезонава и се на четвртата позиција со 22 бодови.

Алисон во четвртата минута си постигна автогол за водство на домаќините, а пред паузата израмни Александер-Арнолд.

Во 67 минута Форналс ја врати предноста на Вест Хем, а за зголемување на истата се погрижи Зума (74`). Конечниот епилог го постави Орижи во 83 минута од средбата на Олимпискиот стадион во Лондон.

ВИДЕО: Арсенал не се шегува, а само бод за Конте на дебито со Тотенхем!