ВИДЕО | Незапирливиот Адетокунбо го предводеше Милвоки до титулата во НБА купот
Кошаркарите на Милвоки синоќа ја освоија титулата во НБА купот, откако во финалето во Лас Вегас ја совладаа Оклахома со 97:81.
Препорачано
-
1
-
2
-
3
Милвоки го реши натпреварот на крајот од третата и почетокот на четвртата четвртина, кога дојде до водство од 19:5 во серија со недостижни 19 поени разлика (88:69).
Во победничкиот тим, грчкиот центар Јанис Адетокунбо оствари трипл-дабл учинок со 26 поени, 19 скока и 10 асистенции, заедно со три блокади и две украдени топки.
Демијан Лилард додаде 23 поени за Милвоки, со по четири скока и асистенции, додека Брук Лопес (девет скока) и Гери Трент Јуниор постигнаа по 13 поени.
Giannis was unstoppable in the #EmiratesNBACup ?
▪️ 30.5 PPG
▪️ 10.2 RPG
▪️ 7.7 APG
▪️ 2.8 BPG
▪️ 1.2 SPG
▪️ 66.7 FG%His Bucks are the champs and he takes home MVP honors ?? pic.twitter.com/EEvXWavs6w
— NBA (@NBA) December 18, 2024
“I got it, I got it.”
Giannis knew he was adding another MVP trophy to his stacked resume ?? pic.twitter.com/yGxuiJvPvA
— SportsCenter (@SportsCenter) December 18, 2024
Најефикасен во тимот на Оклахома беше Шеј Гилџес-Александер со 21 поен, Џејлен Вилијамс постигна 18 поени, додека дабл-дабл ефект забележа германскиот кошаркар Изеа Харенштајн со 16 поени и 12 скока.
Секој играч на Милвоки ќе добие 514.971 долари како награда за освоената титула, додека финалистите на НБА купот ќе добијат по 205.988 долари.
Титулата ја освои екипата на Лос Анџелес лејкерс во минатогодишното премиерно издание на НБА купот.
Финалето на НБА купот не се смета во регуларниот дел од сезоната во НБА. Оклахома е на првото место во Западната конференција со 20 победи и пет порази, а Милвоки е на петтата позиција во Источната конференција со 14 победи и 11 порази.
