ВИДЕО | Незамисливо за генерацијата Зет: Младите момчиња од племиња во Етиопија одат на штули
![](https://www.slobodenpecat.mk/wp-content/uploads/2024/03/profimedia-0104203984.jpg)
Одење на штули, древна традиција во Етиопија, има длабоко културно значење, особено кај племето Бана во долината Омо. Оваа практика, која датира со векови, е испреплетена со ритуали, церемонии и обреди на премин во заедницата, пишува „24седам“.
Племето Бана од југозападна Етиопија е познато по уникатниот обичај на одење на штули, што е значаен дел од нивната култура. Младите мажи од ова племе користат штули за да се заштитат од диви животни додека го чуваат добитокот, но и од други причини кои ја зголемуваат културната фасцинација со овој обичај.
![](https://www.slobodenpecat.mk/wp-content/uploads/2024/03/profimedia-0104234192.jpg)
Низ историјата, пешачењето со штули се користело за различни цели, од лов до сточарство, дозволувајќи им на поединците да се движат по мочурлив терен и да ги заштитат посевите од диви животни.
Племето Бана живее во југозападниот дел на Етиопија, во долината на реката Омо. Нивниот јазик е дел од поширокото јазично влијание меѓу локалните заедници.
Покрај одењето на штули, племето Бана е познато по гостопримството и занаетчиските вештини, вклучувајќи резба на дрво, ткаење кошници и керамика. Овие традиции не само што го одразуваат богатото културно наследство на племето, туку придонесуваат и за зачувување на нивниот идентитет и гордост.
Одењето на штули е долгогодишна традиција која е особено истакната за време на фестивали и ритуали. Носител на оваа традиција се ергените , а церемонијалното правило вклучува украсување на телото со бели риги.
штулите, направени од локално достапно дрво, можат да бидат високи неколку метри , а нивната употреба бара исклучителна вештина, рамнотежа и физичка сила. Младите мажи кои ги користат треба да покажат елеганција и умешност, што исто така ја симболизира нивната сила и способност.
Културното и општественото значење на одењето на штули за племето Бана е значајно, симболизирајќи го преминот на младиот човек од младост до зрелост и служејќи како обред на иницијација.
Вештината на одење на штули се пренесува од генерација на генерација, а момчињата се подложени на ригорозни тренинзи уште од рана возраст, усовршувајќи ја нивната рамнотежа и агилност.