Во галеријата Уфици поставена е изложба „Фиренца и Европа. Уметноста на 18 век во Уфици“. Поради оваа причина, сликата со портретот на Фердинандо де Медичи е преместена од Палацо Пити во галеријата Уфици. Изложбата што ќе трае до 28 ноември е промовирана на официјалната галерија токму со оваа слика, пишува „РТС“.

Еден турист кој сакал да направи селфи пред оваа слика, се сопнал и паднал врз сликата со што го оштетил платното. Дупката на сликата е во пределот на десната нога на претставата на фирентинскиот принц, а од Уфици соопштија дека штетата може да се санира и дека сликата ќе се врати во галеријата за неколку дена.

Туристот, според зборовите на присутните, се сопнал од оградата што всушност има функција да ја заштити сликата од посетителите.

Човекот бил идентификуван и пријавен на полицијата за оштетување на културното добро, па се претпоставува дека тој самиот ќе објасни точно како и зошто се случил инцидентот.

A #Firenze, un quadro del primo Settecento danneggiato da un turista, inciampato per una foto. È solo l’ultimo di una serie di incidenti nei musei. Il direttore degli #Uffizi annuncia nuove misure anti-selfie. #Tg1 Giovanna Savini pic.twitter.com/7gLGca5IpO

— Tg1 (@Tg1Rai) June 21, 2025

„Во саботата, еден турист сакаше да позира со портретот на фирентинскиот принц на семејството Медичи, удирајќи ја сликата наназад и оштетувајќи ја. Овој проблем со туристите кои сакаат да се фотографираат со делата, достигнаа огромни размери, и ние ќе мора да воведеме многу точни ограничувања за да спречиме слични однесувања  кои не соодветствуваат со почитувањето на културното наследство“, рекол директорот на Уфици.

Инаку, инцидентот се случил на 21 јуни – токму кога министерот за култура Италија, Алесандро Џули, ја посети галеријата Уфици за да го поздрави завршувањето на операцијата за отстранување на огромниот кран што беше пред галеријата 20 години.

Пред само неколку дена, сличен инцидент се случи во Палацо Мафеи во Верона, каде турист го скрши делото на Никола Бола, наречено „Столот на Ван Гог“ кој има неколку стотици кристали „Сваровски“, откако седна на него.

И во тој случај причината беше фотографирање. Тогаш директорот на Палацо Мафеи, изјави дека видеото е објавено не заради осудата, туку заради желбата овој инцидент да натера на размислување дека уметноста треба да се сака и ужива во неа, а треба и да се почитува.